«Forbes» jurnalı dünyanın nüfuzlu 100 qadının siyahısını açıqlayıb. İlk onluqda 3 siyasətçi, 3 biznes qadını, 2 pop ulduz və 2 televiziya aparıcısı var.
1. Mişel Obama – ABŞ-ın Birinci Ledisi
2. İren Rozenfeld – Kraft Foods qida məhsulları şirkətinin Baş Direktoru. 2009-cu ildə 26.3 milyon dollarlıq maaşı ilə dünyada ən çox qazanan 2-ci qadın olub. Məşhur maliyyə maqnatı Uorren Baffetlə girdiyi mübarizədən haqlı çıxıb, şirkətin gəlirlərini artırdığı üçün ən güclülər sırasındadır.
3. Opra Uinfri – 25 illik televiziya aparıcısı və media maqnatı. Ən çox qadınların haqlarından danışmağı sevsə də, bu, ona son 5 ildə 1.35 milyard dollar qazanmağa mane olmayıb.
4. Angela Merkel – Almaniyanın Baş Kansleri
5. Hillari Klinton – ABŞ-ın Dövlət Katibi
6. İndra Nuyi – «Pepsi» şirkətinin İdarə heyətinin sədri, ötən il maaşı 10.6 milyon dollar olub.
7. Ledi Qaqa - əsl adı Stefanie Germanotta olan pop ulduz həm də homoseksualların hüquqlarının fəal müdafiəçisi kimi tanınır.
8. Geil Kelli – Əslən Cənubi Afrikalı olan xanım indi Avstraliyanın ən nüfuzlu iş adamıdır.
9. Beyons Nouls – Beyons təkcə ötən il mahnıları, çəkildiyi filmlər və geyim biznesindən 80 milyon dollardan çox vəsait əldə edib.
10. Ellen DeCeneres – 5 dəfə Emmi mükafatına layiq görülən tok-şou aparıcısını bəzən medianın kraliçası da adlandırırlar. Homoseksuallığı müdafiə edən Ellen 2008-ci ildə aktrisa Portiya de Rossiylə evlənib, və o aktrisa indi DeCeneres familiyasını da daşıyır.
Fotoqalereya
DÜNYANIN ƏN NÜFUZLU 100 QADINI
Siyahıda
ABŞ Nümayəndələr Palatasının spikeri Nensi Pelosi - 11,
Respublikaçıların vitse-prezident namizədi Sara Peylin - 16,
Aktrisa Ancelina Coli - 21,
Pop-ulduz Madonna - 29,
Fransanın Birinci Ledisi Karla Bruni Sarkozi - 35,
Britaniya kraliçası II Yelizaveta - 41,
Türkiyəli iş adamı Gülər Sabançı - 52,
BƏƏ-nin İqtisadiyyat naziri Şeyxə Lübna Əl Qasımi - 70,
Amerikalı tok-şou aparıcısı Kristian Amanpur - 73,
Qatarın Birinci Ledisi Şeyxa Mozah Bint Nasser Al-Missned,
İordaniya Şahzadəsi Rania Al Abdullah – 76 – da var.
