Tofiq Abdin. Bu dünyanı kim sahmana salacaq?

-

bu dünyanı kim sahmana salacaq
şairlərmi

biri dedi:
«Bu dünyanın qara daşı göyərməz»
Göndərdilər o daşları yığmağa...

bir dedi:
«Allah məni yarı öldür
yarı saxla ağlamağa»
Allah baxtı üzünə
Yavaş-yavaş döndü sözlü yumağa

biri dedi:
«göy üzü daş saxlamaz»
O atdığı daşlar yağdı başımıza
Boyun əydik yaraşmayan yaşımıza.

biri dedi:
Allah bizi qarğıyıb.
Yanındakı qarğıyanı görmədi
Allah düşdü yadına
Qara yaxdı o Allahın adına

biri dedi:
Allah bizi görmür ki...
Biz onun görürüksə
O bizi hardan görsün
Onda görəcək bizi
Allah özü
Yer üzündə görüksün.

2009