Ukrayna böhranı (2-4 iyun xronikası)

MEDIANIN GÜCÜ

Ukraynanın şərqindəki silahlı münaqişənin birbaşa iştirakçısından çox virtual, sosail şəbəkə termini ilə desək, "divan generalları" var. İyunun 4-də "divan generalları"nın əsas mübarizəsi bu foto uğrunda gedib. Fotonun təqdimatında yazılıb "Qızcığaz, əmini bax o sərhədçi postuna qədər ötür..." Onu paylaşan Ukraynapərəst twitter istifadəçisi separatçıların dinc əhalinin arxasında gizlənərək döyüşdüyü haqda ittihamlara eyhamdır. Rusiyameylli sosial media iştifadəçiləri isə qəzəblidirlər, yazırlar ki, xalqın müdafiəsinə qalxan bu qəhrəmanlar uşaqları Ukrayna ordusunun bombardımanından xilas edirlər. Biz isə bu fotonu 2 səbəbdən təqdim edirik: 1. medianın gücününün istənilən silah növündən təsirli olmasını göstərmək üçün. 2. bu müharibədə hər tərəfin öz həqiqəti var - əsl həqiqət isə çox vaxt bu 2-nin arasında gizlənir. Məsələn fotodakı silahlılar, çox güman ki, uşaqlardan canlı sipər kimi istifadə etmirlər. Eyni zamanda, Rusiyameylli yaraqlıların öz hərbi vəzifələrini yerinə yetirərkən xüsusi olaraq uşaqlar haqda düşündükləri də hiss olunmur. Sən necə fikirləşirsən, bu münaqişədə hansı tərəfi uşaqlara daha çox təhlükə sayırsan? Blqoun sonundakı forumda fikrini yaz

ATƏT GİROVLARINDAN XƏBƏR VAR

<sup>Ukrayna təhlükəsizlik xidməti Rusiya kazakları arasında telefon danışığının səs yazısını açıqlayıb. Videoda (11:17-dən sonra) Kazakların N.Kozitsin adlı atamani ilə söhbətində Ukraynada hökumət qüvvələri ilə döyüşən dəstə komandırı deyir ki, ATƏT maşınını saxlayıb və ondan əmr gözləyir. Kozitsin cavab verir ki, maşındakı ATƏT nümayəndələrinin sənədlərini əllərindən almaq, ayrıca bir otağa aparıb, nəzarət altında saxlamaq lazımdır, maşınlarını isə elə bir yerdə gizlətmək ki, havadan görünməsin. Kozitskin deyir ki, əmr "çox-çox yuxarılardan gəlib"

Ukraynada münqaişə başlayandan artıq 3 ATƏT müşahidə qrupu girov götürülüb. Onlardan 1 qrupunu aprel ayında Slavyanskda azad ediblər. May ayının sonunda isə bir-birinin ardınca 2 qrup üzvləri yoxa çıxıb.</sup>

POROSHENKO-NUN SÜLH PLANI VAR

<sup>Avropada səfərdə olan Ukraynanın yeni seçilmiş prezidenti Petro Poroshenko bildirib ki, öz fəzifəsinin icrasına başalayan kimi Ukraynanın şərqində vəziyyətin sabitləşdirilməsi üçün geniş amnistiya verəcək və Ukraynadakı hakimiyyət mərkəzləşdirilməsinin dərəcəsini yerli özünüidarə səlahiyyətləri hesabına xeyli azadldacaq.

Eyni zamanda Ukrayna rəsmiləri elan ediblər ki, Rusiya ilə sərhədləri tamamilə nəzarətə götürmək niyyətindədirlər. Hazırda qonşu ölkə ilə Luqansk vilayətindəki sərhəd zolağı tamamilə Rusiyameylli yaraqlıların nəzarətinə keçib. Buradan Ukraynada hökümət qoşunlarına qarşı döyüşən silahlı qruplaşmalara silah və canlı qüvvə köməyinin daxil olduğu ehtimal edilir.</sup>