«Hər ölkənin öz modeli olduğu kimi vətəndaş cəmiyyətinin də Azərbaycan modeli var»
Bahar Muradova vətəndaş cəmiyyətinin inkişafından danışıb. O deyib ki, Azərbaycan artıq beynəlxalq layihələr keçirir:
«QHT-yə Dəstək Dövlət Şurası bu il 20-dək beynəlxalq tədbir keçirib. Kim deyirsə, 6 milyon manat Şura üçün yetərli vəsaitdir, düşünürəm ki, bu o qədər də çox deyil. Dünən burda Azay Quliyev təklif etdi ki, vəsait 10 milyona qaldırılsın. Mən bilmirəm nə qədər, amma onu bilirəm ki, Şuraya ayrılan maliyyə vəsaiti artırlmalıdır».
#MM «Neft Fondu rubla qoyduğu vəsaiti başqa valyutaya dəyişməlidir» http://t.co/wGZ2Bq8Moy
— AzadliqRadiosu (@RadioAzadliq) 19.11.2014
«Əhalidə ümumi mədəniyyət səviyyəsi aşağı düşür»
Elmira Axundova: «Təhsil Nazirliyi islahatlar aparır. Amma texniki-peşə məktəblərinin vəziyyəti yaxşılaşdırılmalıdır. Bəzi kəndlərdə feldşer-mama məntəqələrində həkim çatışmır. Təklif edirəm ki, Tibb Universitetini bitirən kadrları təyinatla bu məntəqələrə göndərək. Həm də bəzi kəndlərdə ya feldşer-mama məntəqələri yoxdur, ya da vəziyyəti pisdir. Buna da diqqət yetirilməyini təklif edirəm. Həkimləri kəndlərdə işləməyə həvəsdləndirmək üçün onlara yüksək maaş verilsin, xüsusi imtiyaxlar nəzərdə tutulsun».
Elmira Axundova deyir ki, əhalidə mədəniyyət səviyyəsi aşağıdır: «Əhalidə ümumi mədəniyyət səviyyəsi aşağı düşür, aqressivlik artır. Bunu erkən nikahların çoxalmasında, ailə-məişət cinayətlərində, dini radikalizmdə görmək olar. Maliyyə Nazirliyi qəsəbələrdə mədəniyyət ocaqlarının tikilməsini sürətləndirməlidir. Sosial çarxların hazırlanmasına çalışmalıdır».
«Azərabycanda sosial evlər tikilir»
Deputat Musa Quliyev Milli Məclisdə çıxışı zamanı bildirib ki, qaçqın və məcburi köçkünlər üçün qəsəbələr salınıb, mənzillə təmin ediliblər:
«Burda sosial evlərin tikilməsini təklif etdilər. Azərbaycanda sosial evlər tikilir. Qaçqın və məcburi köçkünlər üçün 82 qəsəbə salınıb, onlara 45 min mənzil verilib. Amma aztəminatlı ailələr üçün sosial evlərin tikilməsi yükünü hökumətə, büdcəyə yükləmək olmaz. Hökumət ən üstün şərtlərlə sahibkarlara imkan yaratmalıdır ki, uzun müddətli, aşağı kreditlərlə bu evləri tiksinlər».
Xarcidə təhsil proqramının bitmək üzrə olduğunu deyən deputat təklif edir ki, bu proqram uzadılsın: «Hesab edirəm ki, xaricdə təhsil alan gənclər ölkəyə qayıdanda dövlət qulluğuna imtahansız qəbul olunmalıdırlar. Onlar ölkəyə qayıdandan sonra yüksək maaş verən özəl şirkətlərdə işləyirlər. Onları dövlət qulluğuna cəlb edib yüksək maaş məsələsi barədə düşünmək lazımdır».