-
«Titanik», «Avatar» və başqa məşhur filmlərin bəstəkarı James Horner iyunun 22-də Kaliforniyada təyyarə qəzasında ölüb.
Bu barədə xəbəri «The Hollywood Reporter» yayıb.
Qəza James Horner-in sürdüyü kiçik təyyarədə Santa-Barbaranın şimalından 100 km məsafədə baş verib.
Qəzanın nədən qaynaqlandığı barədə məlumat verilmir.
Köməkçisi 61 yaşlı bəstəkarın ölümünü təsdiqləyib: «Biz böyük ürəkli və inanılmaz istedadlı gözəl bir insanı itirdik».
Ştat rəhbərliyi Horner-in adına qeydiyyatda olan təyyarənin yerə çırpıldığını, amma pilotun şəxsiyyətinin hələ dəqiqləşdirilmədiyini açıqlayıb.
Horner 1998-ci ildə James Cameron-un «Titanik» filminə yazdığı musiqiyə görə iki nominasiyada «Oscar» alıb.
Filmin sauntreki «Sony Classical» kompaniyasının buraxdığı alboma daxil olub və bu albom 27 milyon tirajla bütün dünyaya yayılıb.
Sözlərini Will Jennings-in yazdığı «My Heart Will Go On» mahnısını kanadalı müğənni Celine Dion oxuyub.
