-
Azərbaycan Müdafiə Nazirliyi sentyabrın 25-də qoşunların təmas xəttində Ermənistan hərbi birləşmələrinin Azərbaycan mövqelərinə basqın cəhdi nəticəsində ağır və qanlı döyüş getdiyini bildirir. Bu zaman əsgər Elşən Məmmədov ölüb, 3 hərbi qulluqçu yüngül qəlpə yaraları alıb. Onların vəziyyətinin kafi olduğu deyilir.
Nazirliyin sentyabrın 26-da yaydığı məlumata görə, raket-artilleriya zərbələri nəticəsində qarşı tərəfin 4 hərbçisi məhv edilib, 16 nəfərədək yaralısı var. Onlardan 10-u ağır vəziyyətdədir.
Ermənistan tərəfin yaydığı məlumatda da 4 hərbçinin öldüyü bildirilir.
Azərbaycan Müdafiə Nazirliyi bir daha bəyan edib ki, cəbhədə vəziyyətin gərginləşdirilməsinə görə məsuliyyət Ermənistanın hərbi-siyasi rəhbərliyinin üzərinə düşür.
Nazirlik ötən sutka ərzində atəşkəsin 74 dəfə pozulduğunu, 81 cavab zərbəsi endirildiyini bildirir.
