Azərbaycanlılar ailə qurarkən hansı çətinliklərlə üzləşirlər? Rəsmi rəqəmlərə görə, ölkə əhalisinin 52 faizini qadınlar təşkil edir. Qeyri-rəsmi rəqəmlərə görəsə, iş qabiliyyətli kişilərin 2 milyona yaxını dolanışıq dalınca başqa ölkələrə yollanıb. Belə çıxır ki, Azərbaycanda hazırda hər iki qadına bir kişi düşür. Bu, ailə qurmaq baxımından zərif cinsin nümayəndələrinə hansısa problemlər yaradırmı?
Qadınlar Arasında Həmrəylik İctimai Birliyinin sədri Ruhəngiz Hüseynova və Azərbaycan Milli Elmlər Akademiyasının Fəlsəfə-Siyasi Hüquq İnstitutunun gender tədqiqatları şöbəsinin baş elmi işçisi Mətləb Mahmudov mövzunu müzakirə edir.
