«İkisi bir yerdə» də bu dəfə «Gender bərabərliyi haqqında» qanun müzakirə olunur. Milli Məclis artıq üçüncü oxunuşda sözügedən qanunu qəbul edib, sənədin tətbiqi ilə bağlı prezident fərmanı da verilib. Qanunun parlamentdəki ilk müzakirələrindən sonra ATƏT-in Bakı Ofisi bir sıra iradlar səsləndirmişdi. Bu iradlar sonuncu oxunuşda qəbul edildimi? Milli Məclisdə müzakirələr zamanı əsas mübahisə doğuran məsələlərdən biri də qanunun tətbiq sahəsilə bağlıydı. Qanunda yazılır ki, sənəd siyasi, iqtisadi və sosial sahələrə şamil edilir. Şəxsi həyata tətbiq edilməyən bu qanun istənilən effekti verə biləcəkmi?
ATƏT-in Bakı Ofisinin demokratikləşmə və insan haqları məsələləri üzrə əməkdaşı İnqrid Gossinger və bu qanun layihəsinin müzakirələrində aktiv iştirak etmiş deputat Yevda Abramov mövzunu müzakirə edir.