İlham Əliyev "Azərbaycanda bütün azadlıqlar var"
«Forumun Bakıda keçirilməsini yüksək dəyərləndiririk. Bu, bizim işimizə verilən qiymətdir».
Bu sözləri Bakıda keçirilən BMT Sivilizasiyalar Alyansının VII Qlobal Forumunun rəsmi açılışında çıxış edən prezident İlham Əliyev deyib.
İ.Əliyev bildirib ki, «Azərbaycan əsrlər boyu mədəniyyətlər və dinlərin kəsişməsində yerləşib. Əsrlər boyu dinlər, mədəniyyətlər Azərbaycanda inkişaf edib. Azərbaycanda tolerantlıq, multikulturalizm hər zaman mövcud olub. Ona görə də Azərbaycanda bütün etnik qruplar və dinlər bir arada yaşayır, yaradırlar. Bu, zənginliyimizdir, biz tariximizlə fəxr edirik».
Atəşkəs 113 dəfə pozulub
Müdafiə Nazirliyi bildirir ki, Ermənistan silahlı bölmələri cəbhənin müxtəlif istiqamətlərində iriçaplı pulemyotlardan və 60 millimetrlik minaatanlardan sutka ərzində atəşkəsi 113 dəfə pozublar.
John Kerry Serj Sarkisian və İlham Əliyevlə danışıb
ABŞ-ın dövlət katibi John Kerry və Ermənistan prezidenti Serzh Sarkisian telefonla Dağlqı Qarabağ münaqişəsi zonasında yaranmış vəziyyəti müzakirə ediblər. Ermənistan tərəfinin verdiyi xəbərə görə aprelin 25-də keçirilmiş telefon müzakirəsinin təşəbbüsçüsü ABŞ dövlət katibi olub.
Bu arada RİA Novosti saytı xəbər verib ki, ABŞ dövlət katibi John Kerry Azərbaycan prezidenti İlham Əliyevə də zəng edib. Bu barədə məlumatı Dövlət Departamentinin sözçüsü John Kirby təsdiq edib. Kirby deyib ki, dövlət katibi prezidentləri danışıqlar prosesinin bərpasına çağırıb.
Tanınmış italiyalı müğənni Eros Ramazzoti Bakıya gəlib
O, Bakının “Flame Towers”dən çəkdiyi videogörüntüsünü sosial şəbəkədə paylaşaraq “Sabahın xeyr Bakı”,-şərhini yazıb.
Müğənni sabah “Baku Crystal Hall”da konsert proqramı ilə çıxış edəcək. İlk dəfə Azərbaycana gələn Ramazzottinin Bakı konserti “Perfetto” dünya turu çərçivəsində təşkil olunur.