AMN/ #karabakh Erməni silahlı bölmələri cəbhənin müxtəlif istiqamətlərində minaatanlar və iriçaplı pulemyotlardan... https://t.co/Ce1MOCoOpE
— AzadliqRadiosu (@RadioAzadliq) 8.4.2016
Pilotsuz uçuş aparatı endirilib
Azərbaycan Müdafiə Nazirliyi pilotsuz uçuş aparatı endirdiyini bildirir.
Nazirliyin məlumatında bildirilir ki, cəbhə bölgəsində Azərbaycan Silahlı Qüvvələrinin mövqeləri üzərində uçuşlar həyata keçirməyə cəhd göstərən Ermənistana məxsus "X-55" tipli pilotsuz uçuş aparatı (PUA) xüsusi üsulla endirilib.
Həlak olanların ailəsinə yardım ediləcək
Ermənistan-Azərbaycan qoşunlarının təmas xəttində son hərbi əməliyyatlarda həlak olanların xatirəsini əbədiləşdirmək üçün bütün lazımi tədbirlər həyata keçiriləcək.
“Report”-un xəbərinə görə, bunu Əmək və Əhalinin Sosial Müdafiəsi naziri Səlim Müslümov deyib.
Cəbhə xəttində polis yaralanıb
Ermənistan Silahlı Qüvvələrinin Goranboy rayonunun Tapqaraqoyunlu kəndini atəşə tutulması nəticəsində xidməti vəzifəsini yerinə yetirən polis əməkdaşı yaralanıb. Hadisə aprelin 6-da baş verib.
Bu haqda Daxili İşlər Nazirliyinin mətbuat xidməti məlumat yayıb.