"AMAY" rəhbəri Abdulla Abdullayev 13 il həbs cəzası aldı
“AMAY” ticarət mərkəzinin rəhbəri Abdulla Abdullayev 13 il azadlıqdan məhrum edildi. o, mənimsəmədə və israfçılıqda, səlahiyyətlərindən sui-istifadədə günahkar bilinib.
Turan: 30 əsas məhsul səbəti bahalanıb
Avqustda 30 əsas ərzaq məhsulundan ibarət istehlak səbətinin qiyməti 2,5 % bahalanıb. Araşdırmanı Turan Agentliyi aparıb.Ötən ay pomidor (+60%), kartof (+33,3%), şəkər tozu (+26,6%), soğan (+25%), qarğıdalı yağı (+18,3%), marqarin (+18,2%), 1 növ un (+18,2%), kələm (+16,6%), vermişel (+13,3%), kərə yağı (+12,8%), qatıq (+11,5%), yumurta (+9%), pendir (+2%) bahalanıb.Qarabaşaq yarması (-9%), toyuq içalatı (-5,5%) ucuzlaşıb.
Azərbaycanda kredit götürənlərin sayı 2,5 milyona yaxınlaşır
Azərbaycanda 2 milyon 472 min 302 nəfər kredit götürüb. Azvision.az xəbər verir ki, bu barədə Mərkəzləşdirilmiş Kredit Reyestri Xidmətinin 2015-ci il avqustun 1-nə olan bülletenində məlumat verilir.2015-ci ilin fevralın 1-nə borcalanların sayı 2 milyon 342 min 233 nəfər, martın 1-nə 2 milyon 366 min 967 nəfər, aprelin 1-nə 2 milyon 389 min 292 nəfər, mayın 1-nə 2 milyon 414 min 122 nəfər, iyunun 1-nə 2 milyon 434 min 759 nəfər olub.
Sumqayıtda içərisində körpə olan çanta tapılıb
Sentyabrın 6-da Sumqayıt şəhərinin Koroğlu prospektində içərisində qız uşağı olan çanta tapılıb.Daxili İşlər nazirliyinin məlumatına görə, çantada həm də geyim əşyaları və 1 yaşlı Dərya Məmmədovanın adına verilmiş doğum haqqında şəhadətnamə olub. Faktla bağlı araşdırma aparılır.