Trump-ın qələbə nitqi
Respublikaçılar partiyasından ABŞ prezidenti seçilən Donald Trump “bütün amerikalıların prezidenti” olacağını bəyan edib. O qələbə nitqində deyib ki, bundan sonra heç bir vətəndaş yaddan çıxmayacaq və potensialını tam açmaq üçün ona şərait yaradılacaq.
Trump bildirib ki, ölkənin köhnəlmiş infrastrukturu, yollar, körpülər, tunellər, hava limanları, eləcə də məktəb və xəstəxanalar bərpa ediləcək. Bununla da milyonlarla adama iş yerləri açılacaq. Trump deyib ki, başqa ölkələr və xalqlarla əməkdaşlıq edəcək, düşmənçilik yolu ilə getməyəcək.
Putindən təbrik
Rusiya prezidenti Vladimir Putin Donald Trump-ı ABŞ prezidenti seçilməsi münasibətilə təbrik edib.
Bu barədə Kremlin saytı xəbər verir.
Putin Trump-a yeni postda uğur arzulayıb.
Birjalar qeyri-sabitdir
Donald Trump-ın prezident seçilməsinin iqtisadiyyatda qeyri-sabitlik yaradacağı qorxuları ABŞ birjalarına mənfi təsir edib. S&P 500 indeksi 5 faiz dəyər itirib.
London və Honk-Konq birjalarında da kəskin enmə var. Neft də ucuzlaşıb.
Qeyri-müəyyənlik qızıla tələbatı artırıb.
Trump ailəsinə təşəkkür etdi
D.Trump onu dəstəklədiklərinə görə ailəsinin bütün üzvlərinə tək-tək təşəkkür edib. Əməyi keçən hər kəsə, sonda isə ABŞ kəşfiyyat xidmətinə minnətdarlığını bildirib, kəşfiyyat orqanlarının çox yaxşı işlədiyini xüsusi vurğulayıb.