Yazıçılar Birliyində “525 kitab” seriyasından nəşr olunan daha iki yeni kitabın təqdimatı keçirilib. Bu dəfə görkəmli fars və fransız ədibləri Söhrab Sipehrinin “Suyun ayaq səsi”, Mişel Uelbekin “Sağ qalma” kitabları oxuculara təqdim edilib.
Mişel Uelbek dünyada ən çox oxunan fransız yazıçılarındandır.
1994-cü ildə yazdığı “Mübarizə məkanının genişləndirilməsi” romanı ona dünya şöhrəti gətirib.
Yazıçı əsərdə Qərbin liberal dəyərlərini şübhə altına alır. Onun tənqidinin əsas hədəfi seksual azadlıqdır.
Uelbekin fikrincə, bu azadlıq praktikada müasir insan üçün bir tələyə çevrilib.
Bu mövzunu o, digər əsərində - “Elementar hissəciklər”də də inkişaf etdirir. Uelbekin fikrincə, 1960-cı illərdən başlayan seksual inqilab bəşəriyyəti iflasa aparır.
1991-ci ildə Uelbek ""Sağ qalma" adlı esselər toplusunu çap etdirir. Bu əsasən müasir dünyada şairin yerindən bəhs edir.
S.Sipehrinin əsərlərini fars dilindən tərcümə edən şərqşünas, filologiya elmləri namizədi Məsiağa Məhəmmədi şairin bədii yaradıcılığı ilə bağlı fikirlərini bölüşüb:
“Söhrab Sipehri istər “yeni şeir”in gəlişməsinə verdiyi töhfə, istərsə də yaradıcılıq üslubu baxımından diqqəti çəkir. Təsadüfi deyil ki, özündən sonrakı poetik nəslə ciddi təsir edən Sipehri poeziyasına bütün dünyada maraq ilbəil artmaqda, əsərləri müxtəlif dillərə tərcümə edilməkdədir.
Sipehrinin şəxsiyyətinə özəl marağı şərtləndirən amillərdən biri də budur ki, o, İran mədəniyyəti tarixinə təkcə böyük şair kimi deyil, həm də dünyaca məşhur modernist rəssam kimi daxil olub”.
Seriyanın rəhbəri, AYB-nin katibi və “525-ci qəzet”in baş redaktoru Rəşad Məcid bundan sonra layihə çərçivəsində daha səkkiz müəllifin – Elçin Hüseynbəyli, İlqar Fəhmi, Fikrət Sadıq, Natiq Rəsulzadə, Boris Pasternak, Qismət, Səməd Səfərov və Aysel Əlizadənin kitablarının nəşr ediləcəyini vurğulayıb
Bundan əvvəl sözügedən seriyadan olan 4 kitab işıq üzü görüb.
“525”
Mişel Uelbek dünyada ən çox oxunan fransız yazıçılarındandır.
1994-cü ildə yazdığı “Mübarizə məkanının genişləndirilməsi” romanı ona dünya şöhrəti gətirib.
Yazıçı əsərdə Qərbin liberal dəyərlərini şübhə altına alır. Onun tənqidinin əsas hədəfi seksual azadlıqdır.
Uelbekin fikrincə, bu azadlıq praktikada müasir insan üçün bir tələyə çevrilib.
Bu mövzunu o, digər əsərində - “Elementar hissəciklər”də də inkişaf etdirir. Uelbekin fikrincə, 1960-cı illərdən başlayan seksual inqilab bəşəriyyəti iflasa aparır.
1991-ci ildə Uelbek ""Sağ qalma" adlı esselər toplusunu çap etdirir. Bu əsasən müasir dünyada şairin yerindən bəhs edir.
S.Sipehrinin əsərlərini fars dilindən tərcümə edən şərqşünas, filologiya elmləri namizədi Məsiağa Məhəmmədi şairin bədii yaradıcılığı ilə bağlı fikirlərini bölüşüb:
“Söhrab Sipehri istər “yeni şeir”in gəlişməsinə verdiyi töhfə, istərsə də yaradıcılıq üslubu baxımından diqqəti çəkir. Təsadüfi deyil ki, özündən sonrakı poetik nəslə ciddi təsir edən Sipehri poeziyasına bütün dünyada maraq ilbəil artmaqda, əsərləri müxtəlif dillərə tərcümə edilməkdədir.
Sipehrinin şəxsiyyətinə özəl marağı şərtləndirən amillərdən biri də budur ki, o, İran mədəniyyəti tarixinə təkcə böyük şair kimi deyil, həm də dünyaca məşhur modernist rəssam kimi daxil olub”.
Seriyanın rəhbəri, AYB-nin katibi və “525-ci qəzet”in baş redaktoru Rəşad Məcid bundan sonra layihə çərçivəsində daha səkkiz müəllifin – Elçin Hüseynbəyli, İlqar Fəhmi, Fikrət Sadıq, Natiq Rəsulzadə, Boris Pasternak, Qismət, Səməd Səfərov və Aysel Əlizadənin kitablarının nəşr ediləcəyini vurğulayıb
Bundan əvvəl sözügedən seriyadan olan 4 kitab işıq üzü görüb.
“525”