BİR EŞQİN SİMFONİK MELODİYALARI
MELODİYA - 1
Sənin nömrəni yığıb
telefon dəstəyində
eşitsəm qəmli səsini birdən;
o ötən günlər qayıdar geri -
ötən günlərə dönərəm mən.
Payız yağışları da,
təklik də, tənhalıq da
bir saz havası kimi
əyləndirər könlümü...
MELODİYA - 2
Bu qarlı qış günündə
öz başıma gələnlər
bir bəyazlıq içində
özgəsinin qədəritək görünür indi mənə.
Bu qarlı qış günündə
bir qədim eşq nəğməsinə,
bir kövrək təsəlliyə möhtacam yenə...
MELODİYA - 3
Ölsəm, mənə yas saxlama,
yas saxlama, ağlama.
Xatırla ilk təbəssümü,
xatırla, ilk görüşü, xatırla,
xatırla, ilk öpüşü, xatırla...
indi gecə saat iki, -
nə sən mənimkisən,
nə mən səninki...
MELODİYA - 4
Dostlar, qardaşlar,
İçimdə birdən qasırğa başlar
Bütün cahanda ,
yalqız qaldığım bir anda.
Ürəyim ağrısa da
bir nəğmə oxuyuram özüm özümə.
Oxuduğum nəğmə bitər - bitməz
bir bəyaz ruh görünər gözümə.
görünər bir anlığa
və nur saçar içimdəki qaranlığa...
MELODİYA - 5
Qara məzar sükutu
kölgə salıb bu doğma yerlərə.
Allahım, nədir günahı -
yay bürküsündə titrəyir, donur
bu yerlərdən ötüb keçən
qərib yolçunun ahı.
MELODİYA - 6
Bahar səhər şehiylə
bir misra şeir yazıb
yaşıl gül yarpağına.
Bir quşcuğaz uçub qonub
gül budağına -
oxuyur o şeiri,
bizsə yalnız
o şeirin qoxusunu duyuruq...
MEDOLİYA – 7
Mən bizim keçmişimizdə
yaşayıram sənsiz.
Bizim keçmişimizdə
buludsuz göy üzü
və mavi dəniz...
İndi keçmişimizdən
geri dönə bilmirəm mən...
MELODİYA – 8
Mən səni qısqanırdım
Göydə buluda, quşa,
yerdə çiçəyə, gülə.
Gözlərin yadımdan çıxıb,
amma ürəyimin yaddaşında
səssiz-səssiz ağlayırsan hələ...
"Ulduz" jurnalı
MELODİYA - 1
Sənin nömrəni yığıb
telefon dəstəyində
eşitsəm qəmli səsini birdən;
o ötən günlər qayıdar geri -
ötən günlərə dönərəm mən.
Payız yağışları da,
təklik də, tənhalıq da
bir saz havası kimi
əyləndirər könlümü...
MELODİYA - 2
Bu qarlı qış günündə
öz başıma gələnlər
bir bəyazlıq içində
özgəsinin qədəritək görünür indi mənə.
Bu qarlı qış günündə
bir qədim eşq nəğməsinə,
bir kövrək təsəlliyə möhtacam yenə...
MELODİYA - 3
Ölsəm, mənə yas saxlama,
yas saxlama, ağlama.
Xatırla ilk təbəssümü,
xatırla, ilk görüşü, xatırla,
xatırla, ilk öpüşü, xatırla...
indi gecə saat iki, -
nə sən mənimkisən,
nə mən səninki...
MELODİYA - 4
Dostlar, qardaşlar,
İçimdə birdən qasırğa başlar
Bütün cahanda ,
yalqız qaldığım bir anda.
Ürəyim ağrısa da
bir nəğmə oxuyuram özüm özümə.
Oxuduğum nəğmə bitər - bitməz
bir bəyaz ruh görünər gözümə.
görünər bir anlığa
və nur saçar içimdəki qaranlığa...
MELODİYA - 5
Qara məzar sükutu
kölgə salıb bu doğma yerlərə.
Allahım, nədir günahı -
yay bürküsündə titrəyir, donur
bu yerlərdən ötüb keçən
qərib yolçunun ahı.
MELODİYA - 6
Bahar səhər şehiylə
bir misra şeir yazıb
yaşıl gül yarpağına.
Bir quşcuğaz uçub qonub
gül budağına -
oxuyur o şeiri,
bizsə yalnız
o şeirin qoxusunu duyuruq...
MEDOLİYA – 7
Mən bizim keçmişimizdə
yaşayıram sənsiz.
Bizim keçmişimizdə
buludsuz göy üzü
və mavi dəniz...
İndi keçmişimizdən
geri dönə bilmirəm mən...
MELODİYA – 8
Mən səni qısqanırdım
Göydə buluda, quşa,
yerdə çiçəyə, gülə.
Gözlərin yadımdan çıxıb,
amma ürəyimin yaddaşında
səssiz-səssiz ağlayırsan hələ...
"Ulduz" jurnalı