-
Dünya Azərbaycanlıları günü ilə bağlı əfv sərəncamı imzalanacaq.
APA informasiya agentliyinin məlumatına görə, bu barədə Milli Məclisin sədri Oqtay Əsədov parlamentin dekabrın 18-də keçirilən iclasında bildirib.
Spiker qeyd edib ki, Azərbaycan prezidenti bu kimi sərəncamları mütəmadi imzalayır, ilin sonunda da əfv sərəncamının imzalanması gözlənilir.
Yerli və beynəlxalq hüquq-müdafiə təşkilatları ölkədə 100-ə yaxın şəxsin siyasi motivlərlə həbs olunduğunu deyir, onları dərhal azadlığa buraxmağa çağırır. Hakimiyyət təmsilçiləri isə "siyasi məhbus" anlayışını qəbul etmir.