Bu gün, fevralın 9-u Rusiyanın Azərbaycandakı səfirliyinin əməkdaşları Bakı İstintaq Təcridxanasında saxlanan bloqqer Alexander Lapshin-lə görüşüblər.
Bu barədə Baş Prokurorluğunun mətbuat xidməti məlumat yayıb.
Mətbuat xidməti görüşün Konsulluq əlaqələrinə dair Vyana konvensiyasının tələblərinə əsasən Rusiya Federasiyası səfirliyinin Azərbaycan Xarici İşlər Nazirliyinə müraciətindən sonra gerçəkləşdiyini bildirir.
Buna da bax: Vəkil Alexander Lapshin-lə görüşüb
Prokurorluğun açıqlamasına görə, Alexander Lapshin dövlət sərhədini qanunsuz keçmə və ərazi bütövlüyünü parçalamağa yönələn açıq çağırışlar etmə əməlləri ilə bağlı axtarışa verilmişdi. Məlumatda vurğulanır ki, ittihamlar vəkili və tərcüməsinin iştirakı ilə ona çatdırılıb.
Hazırda cinayət işi üzrə zəruri istintaq hərəkətləri davam etdirilir.
A.Lapshin ötən il dekabrın 15-də Minskdə Azərbaycanın tələbi ilə, hökumət əleyhinə çağırışlar və dövlət sərhədinin qanunsuz keçmək ittihamı ilə saxlanıb. Belarus məhkəməsi onun Azərbaycana verilməsi ilə bağlı qərar çıxarıb.
Buna da bax: 'Lapshin-in məhkəməsi sakit keçməyəcək'
Həmin qərar fevralın 7-si gecə icra edilib.
A.Lapshin hazırda Kürdəxanıdakı istintaq təcridxanasında saxlanılır. O, Ukrayna, Rusiya və İsrail vətəndaşıdır.
Buna da bax:
Sizin brauzer HTML5-i dəstəkləmir
Lapshin Azərbaycanda