Azərbaycanda hansı ölkələr şirkət açıb, pul qoyub, işləyir?

Hər 10 şirkətdən biri xarici kapitallıdır

Bu ilin əvvəlinə olan rəsmi bilgiyə görə, Azərbaycanda 155 min 435 hüquqi şəxs fəaliyyət göstərir. Həmin şirkətlərin 15 min 325-i, yəni təxminən 10 faizi xarici investisiyalıdır. Bunların da 12 min 309-u (80 faizi) tam xarici investisiyayla çalışır, qalan 3 min 16-sı isə birgə qurumdur. Ötən il xarici kapitallı şirkət sayı 1 min 310 ədəd və ya 9 faiz artıb. Daha bir il öncə bu göstərici təxminən dörd dəfə çox - 34 faiz idi.

Ölkədə fəaliyyət göstərən hər beş xarici investisiyalı şirkətdən biri Türkiyə kapitallıdır.

Azərbaycanda qeydiyyatdan keçən xarici müəssisələrin sayı

(2021-ci il yanvarın 1-nə olan bilgi)

Hər üç əcnəbi işçidən biri Türkiyə vətəndaşıdır

Azərbaycan və Türkiyə bayraqları, arxiv foto

Əmək və Əhalinin Sosial Müdafiəsi Nazirliyinin uyğun statistikasından aydın olur ki, indi Azərbaycanda 110 ölkədən gəlmiş 12 min 366 əcnəbi vətəndaş əmək müqaviləsiylə fəaliyyət göstərir. Hüquqi şəxslərdə olduğu kimi, əcnəbi vətəndaşların sayına görə də lider Türkiyədir. Ölkədə əmək müqaviləsi ilə çalışan əcnəbilərin üçdə biri Türkiyə vətəndaşıdır.

Buna da bax: Müharibə Azərbaycanda investisiya mühitinə necə təsir edib? 

Müvafiq ölkələr üzrə Azərbaycanda əmək müqaviləsiylə çalışan əcnəbi sayı

Azərbaycanda, azı, 118 min əcnəbi yaşayır

Pandemiya ilində Azərbaycanda daimi yaşayan xarici ölkə vətəndaşlarının sayı təxminən 4 faiz azalıb. Dövlət Miqrasiya Xidmətinin ilin əvvəlinə olan göstəricilərinə görə, hazırda Azərbaycanda 118 min 409 əcnəbi yaşayır. Bu siyahıda liderlik Rusiyaya məxsusdur. (38 faiz) Ölkədə yaşayan bütün əcnəbilərin 70 faizi Rusiya və Gürcüstan vətəndaşlarıdır, ancaq onların da çoxu həmin ölkələrin vətəndaşları olan etnik Azərbaycanlılardır.

Buna da bax: Azərbaycana sərmayə azalır, onu necə artırmalı?

Müvafiq ölkələr üzrə Azərbaycanda yaşayan əcnəbilərin sayı

Bütün xarici investisiyaların dörddə biri Böyük Britaniyadandır

Böyük Britaniyanın Azərbaycandakı səfirliyi, arxiv foto

Dövlət Statistika Komitəsinin Azərbaycana qoyulan xarici investisiyalarla bağlı sonuncu hesabatı 2019-cu ildəki məlumatları əhatə edir. Həmin göstəricilərə görə, Azərbaycana ən çox xarici sərmayə yatıran ölkə Böyük Britaniyadır. Ölkəyə yatırılan bütün xarici investisiyaların təxminən dörddə biri bu ölkənin payına düşür. Ümumiyyətlə, Böyük Britaniya Statistika Komitəsinin xarici investisiyalarla bağlı məlumatları dərc etdiyi müddətdən – 2002-ci ildən bəri bu ölkə hər il sözügedən sahədə lider olmağı bacarıb. Hətta 2003-2011-ci illərdə Azərbaycana yatırılan xarici kapitalın, demək olar, tən yarısı məhz bu ölkəyə məxsus olub.

Buna da bax: Qarabağda fəaliyyət göstərən xarici şirkətlərlə bağlı hansı addımlar atılır

Azərbaycana ən çox xarici investisiya yatıran ölkələr