Türkmənistanda prezidentliyə namizədlər Türkmənbaşının siyasətini davam etdirəcəklər.
Qeydiyyatdan keçən altı namizəddən altısı da bu barədə yazılı bəyanat veriblər. Prezidentin səlahiyyətlərini icra edən Qurbanqulu Berdiməhəmmədov söz verib ki, fevralın 11-də seçkilər mərhum prezident Saparmurat Niyazovun «demokratiya konsepsiyası»na uyğun olacaq.
Türkmənistanın prezidenti dekabrda vəfat edib. Prezident seçkilərinə bütün namizədləri ölkənin ali qərarverici orqanı olan Xalq Məsləhəti seçib. Namizədlərin arasında müxalifət partiyalarının təmsilçiləri yoxdur.