Fevralın 5-də sabiq İqtisadi İnkişaf naziri Fərhad Əliyev Ədliyyə Nazirliyinin Böyük Şor qəsəbəsindəki müalicə müəssisəsinə köçürülüb. Bu barədə «Azadlıq» radiosuna onun vəkili İsaxan Aşurov məlumat verib.
İ.Aşurov sabiq nazirin ürəyindəki ağrılardan əziyyət çəkdiyini deyir.
Fərhad Əliyevin digər vəkilləri Elton Quliyev və Ramiz Məmmədov yanvarın 31-də sabiq nazirin səhhətinin pisləşməsi ilə bağlı Milli Təhlükəsizlik Nazirliyinə (MTN) müraciət ediblər. MTN-ə oxşar müraciəti İsaxan Aşurov da ünvanlayıb.
Fərhad Əliyev 10 il azadlıqdan məhrum edilib.