ABŞ Dövlət Departamentinin Qafqazda danışıqlar üzrə baş məsləhətçisi Filip Riker Yerevandadır. Bu haqda Birləşmiş Ştatların Ermənistandakı səfirliyi məlumat yayıb.
“O, sentyabrın 8-10-da Ermənistan Respublikasının rəsmi şəxsləri ilə görüşəcək, Ermənistan və Azərbaycanın uzunmüddətli sülh cəhdlərinə və Ermənistan-Türkiyə münasibətlərinin tənzimlənməsinə ABŞ-ın dəstəyini müzakirə edəcək”, – məlumatda deyilir.
Buna da bax: Vaşinqtondan 'Qarabağ münaqişəsi həll olunub'... açıqlamasına cavabDövlət katibi Entoni Blinken iki həftə öncə Filip Rikeri ATƏT-in Minsk qrupuna həmsədr və Qafqazda danışıqlar üzrə baş məsləhətçi təyin edib.
2020-ci ildə 44 günlük müharibəylə Qarabağın bir hissəsinə və ətraf 7 rayona nəzarəti bərpa edən Azərbaycan Dağlıq Qarabağ münaqişəsinin tarixdə qaldığını bildirir. Rəsmi Bakı Rikerin Minsk qrupu həmsədri kimi təyinatına sərt reaksiya verib.
Riker Gürcüstan və Azərbaycana da səfər edəcək.
Sizin brauzer HTML5-i dəstəkləmir
Paşinyan: '...hesab edirlər ki, Rusiyanın başı Ukraynaya qarışıb, bundan istifadə etmək olar'
ATƏT-in Minsk qrupu 30 ilə yaxın sülh danışıqlarına vasitəçilik edib. Ancaq müharibə bitəndən sonra Prezident İlham Əliyev bəyanatlarında Dağlıq Qarabağ münaqişəsinin artıq mövcud olmadığını, ATƏT-in Minsk qrupu həmsədrlərinin işinin bitdiyini bildirib.
ABŞ-ın yüksək rütbəli rəsmiləri isə Minsk qrupunun həmsədrliyinə dəstək bildiriblər.