►Banklar ilkin ödənişin məbləğini 40 faizədək artırıblar
Bəzi banklar ipoteka krediti şərtlərinə dəyişiklik ediblər. Dəyişikliklər ailənin hər bir üzvünə düşən yaşayış minimumunun məbləği ilə bağlıdır.
İpoteka Fondunun məlumatına görə, bankların bu addımı "2016-cı il üçün yaşayış minimumu haqqında" qanunla bağlıdır. Həmin qanuna əsasən, Azərbaycanda 2016-cı il üçün yaşayış minimumu 136 manat səviyyəsində müəyyən edilib.
Trend xəbər verir ki, İpoteka Fondunun xətti ilə kredit verən 27 bankdan 14-ü yaşayış minimumunu 131 manatdan 136 manata, “Unibank isə 200 manata qədər yüksəldib.
Bəzi banklar hətta güzəştli ipoteka üzrə ilkin ödənişlərin məbləğini də artırıblar. “Muğanbank” ilkin ödənişin həcmini 15-dən 40 faizə, Beynəlxalq Bank isə 15 faizdən 30 faizə qaldırıb.
Azərbaycan İpoteka Fondu bu il, martın 15-dək 730 milyon 608 min 420 manat ipoteka krediti vermişdi.
Fond bildirirdi ki, ümumilikdə 17 min 993 nəfər kredit götürüb.
AİF ipoteka kreditlərinin verilməsinə 2006-cı ilin martından başlayıb.
Buna da bax: Özünü yandıran Astara sakini danışdı...[VİDEO]
Sizin brauzer HTML5-i dəstəkləmir
Özünü yandıran Astara sakini danışdı...[VİDEO]
__________________________________________________________
Bunlara da bax:
-
Azərbaycan iqtisadiyyatının "lokomotiv"i yavaşlayıb...
-
"Milyonları parklara, heykəllərə tökürlər, amma bu yola pul tapılmır"
____________________________________________________________