Respublikaçı Alternativ (REAL), Ağ Partiya və Vətəndaş Həmrəyliyi partiyalarının növbədənkənar parlament seçkilərində səlahiyyətli nümayəndələri qeydə alınıb.
Bununla bağlı qərar iyulun 2-də Mərkəzi Seçki Komissiyasının (MSK) iclasında qəbul edilib.
MSK sədri Məzahir Pənahov seçici siyahılarının dəqiqləşməsi ilə bağlı deyib ki, siyahılarda mütəmadi dəqiqləşdirmələr aparılsa da, proses seçki gününə 25 gün qalmış bitməlidir.
MSK sədri seçkilərin müşahidəsi ilə bağlı təxminən 30 təşkilata dəvət göndəriləcəyini bildirib.
Azərbaycanda növbədənkənar parlament seçkiləri sentyabrın 1-də keçiriləcək.