-
Özbəkistanda tanınmış müxalifət xadimi Murod Juraev 21 ildən sonra həbsdən buraxılıb.
Daşkənddə mənzillənən Ezgulik insan haqları mərkəzi AzadlıqRadiosuna bildirib ki, Juraev noyabrın 12-də təcridxanadan azad olunub.
63 yaşlı etnik türkmən olan Juraev 1991-92-ci illərdə deputat olub.
1994-cü ildə hökumət çevrilişi planlaşdırmaqda təqsirli bilinərək məhkum olunub.
Tərəfdarları onun həbsinin siyasi motivli olduğunu bildirib. Əvvəlcə 12 illik həbs cəzası alsa da, sonradan məhkumluğu azı 4 dəfə uzadılıb.
İki həftə öncə ABŞ Dövlət katibi John Kerry Daşkənddə prezident Islam Karimov-la görüşüb.