Prokurorlar Özbəkistanda Konstitusiya quruluşunu sarsıtmaqda ittiham olunan 22 nəfər barəsində uzunmüddətli həbsxana cəzalarının verilməsini istəyiblər.
Buxara şəhərində keçirilən məhkəmədə bütün müttəhimlərin məhkum ediləcəyi, onlardan 20 nəfərinə 5 ildən 18 ilədək azadlıqdan məhrumetmə cəzasının veriləcəyi gözlənilir.
Prokurorlar daha iki nəfər barəsində şərti cəzaların verilməsini istəyiblər.
Özbəkistan hakimiyyəti bildirir ki, ölkənin tərkibində olan Qaraqalpaqıstan Muxtar Respublikasında ötən ilin iyununda baş vermiş etirazlarda 21 nəfər həyatını itirib.
Etirazlar Daşkəndin Konstitusiyaya Qaraqalpaqıstanı öz müqəddəratını təyinetmə hüququndan məhrum edəcək dəyişikliklər planına qarşı keçirilirdi.
Buna da bax: Mirziyoyev baş qərargah rəisini Qaraqalpaqıstana görə işdən çıxarıb?Mirziyoyevi geri çəkilməyə məcbur etmiş etirazlar
Muxtar reaspublikanın paytaxtı Nukusda baş vermiş zorakılıq prezident Şavkat Mirziyoyevi sözü gedən təkliflərin geri götürülməsinə məcbur edib.
Mirziyoyev heç bir dəlil-sübut gətirmədən Qaraqalpaqıstanda baş vermiş etirazların “xarici qüvvələr” tərəfindən qızışdırıldığını bəyan etmişdi.
Müttəhimlərə qarşı bir neçə ittiham irəli sürülüb, lakin bunlardan ən ağırı ölkənin “konstitusiya quruluşunu dəyişməyə cəhd” ittihamıdır.
Məhkəmə ötən ilin noyabrında həm Daşkənddən, həm də Nukusdan 600 kilometr məsafədə olan Buxara şəhərində başlanıb.
Mirziyoyev hakimiyyətə 2016-cı ildə sələfi avtokrat İslam Karimovun vəfatından sonra gəlib.
Buna da bax: BMT və ABŞ Qaraqalpaqıstan ölümlərinin araşdırılmasına çağırıbDemək olar müstəqil
Qaraqalpaqlar Mərkəzi Asiyanın türkdilli xalqlarından biridir.
Qaraqalpaq Muxtar Vilayəti 1924-cü ildə yaradılıb, 1930-cu ilə qədər Qazaxıstan SSR-in tərkibində olub, sonra ordan çıxarılaraq birbaşa RSFSR-in tabeliyinə verilib.
1936-cı ildə Qaraqalpaq MSSR Özbəkistan SSR-in tərkibinə daxil edilib. Sovet İttifaqının dağılmasından sonra bölgə 1992-ci ildə Qaraqalpaqıstan Respublikasına çevrilib.
Buna da bax: Qazaxıstan-Rusiya gərginliyi və ya sonuncu xanın başı1993-cü ildə Qaraqalpaqıstan Respublikasının Özbəkistanın tərkibinə daxil edilməsi haqqında 20 illik müqavilə imzalanıb. Müqavilə muxtar respublikanın referendum keçirməklə Özbəkistanın tərkibindən çıxmaq hüququnu təsbit edir.
Daşkənd məhz bu hüququn ləğv edilməsinə çalışırdı.
Sizin brauzer HTML5-i dəstəkləmir
Qaraqalpaqıstan etirazlarını doğuran səbəblər...
Qaraqapaqıstanda Özbəkistanın 35 milyonlıuq əhalisinin 2 milyonu yaşasa da, o ərazisinə görə ölkənin üçdə birini təşkil edir.