Ermənistanda seçki başa çatıb. «Exit-poll»un nəticələrinə əsasən, hazırkı prezident S.Sarkisian səslərin 58 faizini toplayır. (Ermənistanda səsvermənin gedişi haqda xronoloji reportaj)
Ermənistanda yerli vaxtla saat 14:00-a seçicilərin 33 faizi səs verib.
16:2818.2.2013
TER-PETROSIAN SƏSİNİ 7 NAMİZƏDƏ VERƏRDİ
Ermənistanın ilk prezidenti olmuş Levon Ter-Petrosian bu gün deyib ki, “Ermənistan respublikası naminə səs verib”.
O, səs verəndən sonra zarafat edib ki, “məmnuniyyətlə 7 namizədin hamısına səs verərdim, ancaq qanun buna imkan vermir”.
Levon Ter-Petrosian
17:3418.2.2013
KIM KARDASHIANA 1 SƏS
Ermənistanın News.am saytı yazır ki, Ermənistanda prezident seçkilərində erməni əsilli məşhur TV reality ulduz Kim Kardashian bir səs qazanıb.
Bir seçici 7 namizədin hamısını pozub, yerinə "Kim Kardashian" yazıb.
Kim Kardashian və repper Kanye West
18:1818.2.2013
238 POZUNTU
Azadlıq Radiosunun Erməni Xidmətinin məlumatına görə, Ermənistanın yerli Iditord.org saytında saat 17:00-a pozuntular haqda 238 məlumat yerləşdirilib.
Onlardan 20-si seçki siyahılarına, 66-sı rüşvətə və təzyiqlərə, 57-si təbliğat pozuntusuna, 52-si səsvermə proseduru pozuntusuna, 19-u- seçki günü ictimai qayda-qanun pozunsuna aiddir.
