Özbəkistan hökuməti Avropa İttifaqına müraciət edərək Rusiya oliqarxı Alişer Usmanovun üzərindən sanksiyaların qaldırılmasını rica edib.
Financial Times qəzetinin yazdığına görə Daşkənd bu ricasını onunıla izah edib ki, sanksiya məhdudiyyətləri Usmanovun Özbəkistan iqtidasadiyyatına investisiyalar yatırmasına mane olur.
Buna da bax: Almaniya Usmanovun 30 tablosunu müsadirə edibQəzet mənbələrə istinadən bunu da yazır ki, Özbəkistan məmurları bu yaxınlarda Avropa İttifaqının rəsmiləri ilə görüşərkən də eyni rica ilə müraciət ediblər.
FT-nin verdiyi məlumata görə Daşkənd Aİ-dən həm də Usmanovun bacısı Gulbaxor İsmayılovanın üzərindəki sanksiyaların qaldırılmasını xahiş edib.
Aİ-nin məlumatına görə Alişer Usmanovun bir sıra aktivləri, o cümlədən 600 milyon dollarlıq superyaxta onun bacısının adına qeydiyyatdan keçirilib.
Buna da bax: 'Konstitusiyamızın işləmə mexanizmində problemlər var'Məhkəməyə müraciət edib
Rusiyalı milyarder Özbəkistanda doğulub və bu ölkə ilə sıx əlaqələrə malikdir.
Rusiyanın Kommersant qəzeti yazır ki, əgər Aİ Usmanova qarşı sanksiyaları qaldırmaqdan imtina edərsə, Özbəkistan bu sanksiyaların məhkəmə yolu qaldırılması üçün ona hüquqi dəstək də verə bilər.
Financial Times qəzetinin Özbəkistan XİN-ə sorğusuna cavab olaraq bildirilib ki, “nazirlik hökumətin fəaliyyətini şərh edə bilməz, amma sanksiyalar həqiqətən də bir çox investisiya və xeyriyyə layihələrinə mane olur”.
Usmanovun özü qəzetin sorğusuna cavab verməyib.
Sizin brauzer HTML5-i dəstəkləmir
Bu bayrağı Rəsulzadə özü tikib
Macarıstan da ağız açıb
Alişer Usmanov Rusiyanın ən zəngin adamlarından biridir. Forbes jurnalının məlumatına görə onun sərvəti 11.5 milyard dollardır.
Rusiya Ukraynaya əsassız və səbəbsiz hücum edəndən sonra ABŞ, Kanada, Britaniya, Avstraliya, Yaponiya və Avropa İttifaqı Moskvaya qarşı ağır iqtisadi sanksiyalar qoyub.
Bundan başqa Vladimir Putinin yaxın çevrəsindən çox sayda oliqarx və milyarder sanksiya siyahısına salınıb. Bunların arasında Usmanov da var.
Buna da bax: Əliyevin 'Zəngəzur dəhlizi' bəyanatına Ermənistandan cavabO ötən may ayında Aİ sanksiyalarının qaldırılması üçün Avropa Məhkəməsinə müraciət etmişdi.
Usmanovun üstündəki sanksiyaların götürülməsi üçün Macarıstan da müraciət edib.
Budapeşt habelə Pyotr Aven və Viktor Raşnikovun sanksiya siyahısından çıxarılmasını istəyir.
Sizin brauzer HTML5-i dəstəkləmir
Bayraq tikən Valeh Məmmədov
Kimin vergiödəyənidir?
Bu arada xəbər verilir ki, Almaniya polisi Usmanovun işi ilə bağlı İsçevrənin UBS bankının yerli şöbələrində axtarış aparıb.
İstintaq Almaniyanın Frankfurt və Münhen şəhərlərində aparılır.
Müstəntiqlər 2018 və 2020-ci illər arasında 2 milyon dollarlıq çirkli pulların yuyulması ilə maraqlanırlar.
Usmanovun nümayəndəsi bildirib ki, biznesmenin heç bir günahı yoxdur və o Rusiyada vergi ödəyir, habelə xeyriyyəçiliklə məşğul olur.
Almaniya isə Usmanovu öz vergiödəyəni sayır. Beləki o Ukrayna müharibəsindən əvvəl uzun müddət Bavariyadakı Tegernze gölü sahilində yerləşən villasında yaşayıb.